Beriya niha min gotarek bi sernivîsa “Kurd hez ji Mîrîya Dıkın” nivîsand bû. Hevalê hêja Seyda Goyan peyveke xweş û dicîde pêşnîyar kir. Lewma min di sernivîsa vê gotarê de ev peyv bikar anî; Zindîkuj. Dubare Dikim, Kurd Hez ji Mirîyan Dikin. Çaxê ez dibêm Kurd ji mirîyan hezdikin, hin dost û heval dilê xwe digrin. Lê ez dîse dibêjim û bawer dikim; Kurd mirîhezin. An jî wek Seyda Goyan anîye ziman; zindîkujin, mirîperestin. Ji zindiyên xwe heznakin. Lê çaxê hêjayên wan dimirin, ji nûde li ber dilê wan şêrîn dibin, meth, pesindanan û hêstiran dibarênin. Tê bîra we beriya niha bi çendekî gotin; Mehdî Zana wefat kirîye û bi hezaran mesajên sersaxîyê hat belav kirin. Lê bêguman derew derket. Dîse berî niha bi demekê nûçeya wefata Rêzdar Ziya Avci hat belav kirin. Ew jî derew derket. Nûçeyek bêbingeh di derheqa hunermendê hêja Beyto Can de hatibû belavkirin. Hêj sax bû, gotin wefatkirîye. Mixabin piştî vê nûçeyê bidemekê çû rehmetî. Hinek camêr di medya civakî de îş û karên wan mesajên se