Ew çar birane;
Başûr, bakûr, rojava û rojhilat.
Dayika wan Kurdîstan e.
Brayê mezin Bakûr e.
Ê biçûk rojava ye.
Dijmin wan ji hevdu veqetandiye.
Başûr, bakûr, rojava û rojhilat.
Dayika wan Kurdîstan e.
Brayê mezin Bakûr e.
Ê biçûk rojava ye.
Dijmin wan ji hevdu veqetandiye.
Brayê biçûk her
tim ji hemû brayên xwe re bûye arîkar. Çi
çax serê wan ket tengasiyan, rojava himbêza xwe, deriyê malên xwe ji wan re
vekir. Bi mal û canê xwe fedekarî kiriye. Em bînin bîra xwe; Sal 1925. Pîştî
ser hildana Şêx Seîdê kal, Tirkan li bakûr zilm û zoreke ne dîtî bikar anîn. Bi
sedan, bi hezaran kuştin an sürgün kirin. Wê çaxê rojava deriyê xwe vekir û bi sedan ên ku ji zilm
û zora Tirkan reviyan li wir sitar bûn û saziya netewî “Xoybûn” damezrandin.
Serhildana Agrî li vir, ji terefî Xoybûnê hat organize kirin. Piştî têk çûna serhildanê jî gelek şervan derbasî
rojava bûn, li vir hatin star kirin. Dîse piştî serhildana Qewmê Çiyê, şervanên
Mala Aliyê Yunis xwe li birayê biçûk girtin û li wir star bûn.
Sal 1946. Komara
Mahabat hat hilweşandin. Serokên komarê
hatin îdamkirin. Dîse zilm û zor û koçberî bûbû para Kurdan. Di van rojê giran
de brayê biçûk cardin bi destê brayê xwe yî mezin girt û li gora imkanên xwe
arîkari kir. Gelek şervanên Mahabatê derbasî rojava bûn. Di nav van de hozanê Mezin Hêjar Mikriyanî jî hebû. Hêjar
demekî dirêj li cem malabata Haco Axa bi cî bû.
Em werin demeke
nêzîk, sala 1980an. Dîse serê birayê mezin di tengasiyê de bû. Rejima leşkerî ya
Kenan Everenê zalim bi şiklekî hovane zilm û zor li Kurdan dikir. Bi hezaran
girtin, xistin hepsan. Bi sedan di bin işkenceyên nedîtî de hatin kuştin. Di
van rojên giran de dîsa birayê biçûk
giha hawara birayê xwe. Bi qeflan xortên bakûr derbasî rojava bûn. Xort û
siyasetmendarên Kurd li vir bi cî bûn û bingeha şerê gerila li wir hat avetin.
Û îro, sal 2013.
İcar serê birayê biçûk ewê ku heya îro arikarî daye her parçeyê Kurdîstanê di
tengasiyê de ye. Wekî ku tê zanîn, di van rojên dawî de terorîstên EL Qaîda / El Nusra ên ku bi wehşîtîya xwe tên nskirin, êrîşan
diberdin ser gund û bajarên rojava. Xwîna xortên Kurda dirijînin, sivêlên bê
guneh di revinin, bê suç bê sebep wan
dikujin, işkenceyên hovane pêk tînin. Li hemberî van wehşên rû reş hêzên YPG
berxwedaneke bi rûmet dikin.
Îcar dor dora
brayên mezin e. Dora her sê birayên mezine ku dest bidin birayê biçûk û di van
rojên giran de bi her ewayî biştgirî bidin berxwedana wî.
01. 07. 2013
Yorumlar
Yorum Gönder